“İyunda  Bakıda keçiriləcək Avropa Olimpiadasından sonra cəbhə bölgəsində vəziyyət gərginləşəcək”.

Bunu Hafta.az-a açıqlamasında Atlas Araşdırmaları Mərkəzinin (AAM) rəhbəri poltoloq Elxan Şahinoğludeyib. Politoloqun sözlərinə görə, aprelin sonlarında Fransa prezidenti Fransua Ollandın təşəbbüsü ilə baş tutacaq Paris görüşündə 7 rayonun qaytarılmasının gerçəkləşdirilməsi o qədər də real görünmür:

“7 rayonu danışıqla qaytarmaq çətindir. Çünki böyük dövlətlərdən Ermənistana hər hansı təzyiqi müşahidə etmirəm. Əksinə düşünürəm ki, Ermənistanı masa arxasında geri addım atmağa məcbur etmək üçün Azərbaycan Ordusunun fəallaşmasına ehtiyac yaranacaq. Söhbət irimiqyaslı hərbi əməliyyatdan getmir. Dağlıq Qarabağ ətrafında ən azı bir rayonun azad olunması kifayət edəcək ki, ermənilər mərhələli həll planını razılaşsınlar. İyunda Bakıda keçiriləcək Avropa Olimpiadasından sonra cəbhəbölgəsində vəziyyət gərginləşəcək. Bunun nəticəsində danışqlar intensivləşə bilər.Mən döyüşlərin aprel və mayda deyil,  yay aylarında artacağını proqnozlaşdırıram”.

Xatırladaq ki, medaiada yayılan xəbərlərə görə, böyük ehtimalla, aprelin sonunda Fransa prezidenti Fransua Ollandın təşəbbüsü ilə Parisdə Azərbaycan və Ermənistan prezidentlərinin görüşü olacaq. Görüşlərdə Humanitar məsələlərin də müzakirəsi nəzərdə tutulduğu bildirilir.

Bu barədə məlumatı Ermənistan Təhlükəsizlik Xidmətinin sabiq rəhbəri, 1992-95-ci illərdə Ermənistan prezidentinin xüsusi tapşırıqlar üzrə səfiri işlımiş David Şahnazaryan erməni KİV-ə müsahibəsində də təsdiqləyib.