Bu gün Müsavat Partiyası Divanının iclası keçirilib. 

Partiyadan “Qafqazinfo”ya daxil olan məlumata görə, Divanda qərarların icrası və görülən işlər barədə məlumat verilib.

Divan üzvü Nemət Kərimli Müsavat Partiyası başqanının müavini Tofiq Yaqublunu doğum günü münasibətilə cəzaçəkmə müəssisəində ziyarət edib, Müsavat Partiyası adından onun doğum gününü təbrik edib.

7 fevral 2015-ci il tarixdə saat 14.00-da Müsavat Partiyasının Mərkəzi Qərargahında Tofiq Yaqublunun 54 yaşının qeyd edilməsi ilə bağlı tədbir keçirilməsi məqsədəuyğun sayılıb.

Daha sonra Müsavat Partiyası Nərimanov rayon təşkilatının üzvü Qubad İbadoğlunun VIII Qurultayından sonrakı fəaliyyəti müzakirə olunub. Qubad İbadoğlu partiyanın təməl prinsiplərini, partiya Nizamnaməsinin preambulasının 6-cı və Nizamnamənin 1.9-cu bəndini kobud surətdə pozduğuna görə Müsavat Partiyası sıralarından xaric edilib.

Sonda cari məsələlərə baxılıb.