Sənətçi yaradıcılığı və ifaçı Rəqsanə İsmayılovanın qızı Aysun haqda danışıb:

 

“Həyatım çox gözəldir. İşlərim davam edir. Ölkə-ölkə gəzirik, konsertlər veririk. Yeni albom hazırlıqlarına başlamışıq. Azərbaycanda bu qədər sevənlərimin olduğunu düşünmürdüm. Sadəcə, ora getmək imkanım olmadı. Qismət olsa, bu il Azərbaycana yollanacam. Burada yeni seriala dəvət almışam”. 

İfaçı Aysunla aralarındakı sevgi münasibəti ilə bağlı söhbətlərə cavab verib:

“Eşq yaşamayanın ürəyi yoxdur. Məndə məhəbbət bitib. Yenisini axtarmıram, sevgi özü məni gəlib tapar. Azərbaycanlı ifaçılardan Rəqsanəni tanıyıram. Toyların birində tanış olduq. Bacarıqlıdır, səs tonu gözəldir. Çox mehriban bir xanımdır. Məncə, o bir ulduzdur. Rəqsanənin qızı Aysunu çox sevirəm. Dostumdur. O da gördüyü işində bacarıqlıdır. Onunla gözəl dostluğumuz var. Aramızda sevgi olduğunu deyirlər. Amma belə bir şey yoxdur. Ürəyitəmiz qızdır, mənim üçün bir gödəkcə hazırlayıb. Geyinəndə hamı haradan aldığımı soruşur”.