Azərbaycanda keçirilməsi planlaşdırılan "Miss Globe International" gözəllik müsabiqəsində daha bir qalmaqal. 

2013-cü ildə "Miss Globe International" gözəli adına layiq görülən Banu Şucai bu il baş tutması gözlənilən müsabiqədən uzaqlaşdırılıb. Müsabiqənin təşkilatçı vəzifəsini hazırda yerinə yetirən "Z-Company" şirkətinin rəhbəri olan Zamiq Yunisov tərəfindən deyilən səbəb bu olub ki, daha öncə "Miss Globe International " gozellik yarışmasının təşkilatı ilə məşğul olan "Merac Production" şirkəti və Nigar Məmmədova tərəfindən seçildiyinə görə bu müsabiqədə iştirak edə bilməz.

Bu barədə açıqlama verən Banu bildirib ki, "Z-Company" onun yerinə artıq başqa bir model seçib, müsabiqədə o iştirak edəcək: ""Z-Company " şirkəti bu proekti artıq bir aydan çoxdur ki, öhdəliyinə götürüb, lakin bu yalançı problem haqda mənə sadəcə 5 gün öncə məlumat verilib. Daha sonra isə müsabiqədən uzaqlaşdırılmışam. Bu gün Zamiq Yunisova zəng vurduğumda mənə şirkətin icraçı direktoru olan Pərviz Əzimzadə cavab verib bildirdi ki, mənim yerimə başqa bir xanım artıq seçilib və adı sirr olaraq saxlanılır".