Fransada Maykl Cekson pərəstişkarları onun ölümündən dəyən mənəvi ziyana görə kompensasiya almağı başarıblar

Bu barədə lenta.ru saytı Orleand məhkəməsinin qərarına əsasən, xəbər verib. Məhkəmə müəyyənləşdirib ki, M.Ceksonun ölümündə həkim səhlənkarlığına görə suçlu bilinən həkim Konrad Myurrey onun 5 fanatına kompensasiya ödəməlidir - hər birinə 1 avro məbləğində. 

Fanatların vəkili Emmanuel Lyudo bildirib ki, bu, müğənninin ölümünə görə fanatlarına kompensasiya ödənməsi ilə bağlı ilk məhkəmə işidir. Qərarın ən önəmli detalı isə fanatların Maykl Ceksonu şəxsən tanımaması olub. 

Məhkəməni udan fanatlar bildirib ki, Myurrey kompensasiyanı ödəməsə də, onlar zərərçəkmiş statuslarından istifadə edib, müğənninin Los Ancelesdə yerləşən, camaata qapalı olan məzarını ziyarət edə biləcəklər.