Qeyri adi geyim tərzi və hərəkətləri ilə daim diqqət mərkəzində olan amerikalı məşhur müğənni Ledi Qaqa bir neçə konserti təxirə salmaq məcburiyyətində qalıb. 

İfaçı bronxların iltihabı xəstəliyi ucbatından ABŞ və Kanadada təşkil olunan çıxışlarını ertələyib. Səs telləri zədələndiyinə görə, konsert verməkdən imtina edən ifaçı buna görə çox məyus olduğunu dilə gətirib. Ledi Qaqa pərəstişkarlarının qarşısında çıxış edə bilmədiyi üçün özünü xəstəlikdən belə çox pis hiss etdiyini deyib. 

O, bildirib ki, səsindəki problemlərlə yanaşı, dəhşətli öskürək də onu rahat buraxmır. Ledi Qaqa yataq rejiminə keçənə qədər konsertlərini təxirə salmayacağını desə də, vəziyyətinin ağırlaşması onu bu addımı atmağa vadar edib. Həkimlər sənətçiyə məsləhət görübər ki, dincəlməklə yanaşı aludəçisi olduğu siqaretdən imtina etsin. 

Qeyd edək ki, Ledi Qaqa ötən il də xəstəlik ucbatından 5 ay konsertlərdən imtina etmişdi.