Xalq artisti Flora Kərimova ANS telekanalında yayımlanan "Şoubiz+" verilişinə müsahibə verərək maraqlı açıqlamalar verib. 

Sənətçi küsülü olduğu xalq artisti İlhamə Quliyevanın taclarından danışıb. 60 ildir ki, səhnə fəaliyyəti ilə bağlı olaraq konsert verəcəksiniz? sualına maraqlı cavab verib:

“İllər əvvəl bu sualı verəndə zarafatnan deyirdim ki, yiyə duran yoxdur, indi isə həvəsdən düşmüşəm. Kanallar sağ olsun, çağırırlar, mahnılar oxuyuram, görüşürəm, hörmət görürəm, bununla da qane oluram" cavabını verib. Bundan əlavə olaraq Flora xanım titullarının çox olduğunu ən əsası isə "Hörmət" tituluna layiq görüldüyünü bildirib. Son zamanlar tac üstündə gedən "müharibə"yə münasinət bildirərək ilk dəfə tac ideyasının ona məxsus olduğunu açıqlayıb, İlhamə Quliyevanı oğru adlandırıb:

"Gərək bir dəfə mən də titullarımı sadalayım. Amma yaşa dolanda müğənninin ən böyük titulu hörməti olur. Çox illər bundan əvvəl, anam sağ olanda dedi ki, sən “diademalı”- (taclı şəkil) çəkdir. Diademanı mənə geyindirdi. Başımda tac şəkil çəkdirdim, tacı ilk mən taxdım. O vaxtdan bu məsələ İlhamə Quliyevanın başağrısına çevrilib. Ondan sonra xəstəliyə düçar oldu, bir, iki, beş tac. Tacların, ödüllərin qiyməti olmalıdır. Aldığı ordenlərə o, yaraşıq verməlidir, ödül ona yox. İlhamə gərək şəxsiyyətinə fikir versin ki, aldığı “Şərəf ordeni”nə layiq olsun".

Flora Kərimova efir vasitəsi ilə İlhamə xanımdan titul istəyən gənc ifaçılara üzünü tutaraq "Özünüzü alçatmayın" mesajını göndərdi: " Ondan titul istəyənlərə təəccüb edirəm. İlhamənin iqtidarı yoxdur. Özü qapı döyüb ödül istəyir. O, kiməsə ödül verə bilər? Cavanlar başını niyə itirib, özlərini niyə alçaldırlar?! İlhaməyə də, Faiq Ağayevə də düz söz deyəndə başlayırlar adamı şantaj etməyə”.