Müğənni Mətanət Əsədova son vaxtlar geyimləri ilə gündəmə gəlməsindən bəhs edib.

“Mediatv.az” ın Axşam.az- a istinadən verdiyi məlumata görə, sənətçi dekolteli libaslarından danışaraq, başqalarının fikirinə əhəmiyyət vermədiyini deyib: 

“Geyimlərim hər zaman səs-küy doğurur. Amma mən heç bir məclisə açıq-saçıq, həddini aşacaq dərəcədə cəlbedici paltar geyinməmişəm. Bu məsələnin belə qloballaşdırılmasını isə sadəcə maraqlı insan olmağımla bağlayıram. Səhnədə elə insanlar var ki, məndən açıq geyinirlər. İçlərində elə ən abırlısı mənəm. Əslində, mənim geyimlərim yox, özüm insanlara maraqlıyam. Cəlbedici qadınam, çünki özümə baxıram. Baxımlı olmağı sevirəm. Bütün gün özümə qulluq edirəm. Özümü çox sevirəm”. 

M.Əsədova geyimlərinin qiymətini açıqlayan həmkarlarından da danışıb: “Qarderobumda həm bahalı, həm də ucuz libaslar var. Amma heç vaxt onların qiymətini açıqlamaram. Bunu deməyə utanaram”.