Müğənni artıq Los Ancelesdə ev axtarışına da başlayıb

Ötən il hamıdan xəbərsiz şəkildə Sibel Kirer ilə evlənən məşhur türkiyəli müğənni Emrah həyatında yeni bir səhifə açmaq qərarına gəlib.

Tanınmış pop ifaçısı bu yay tamamilə Los Ancelesə köçməyi düşünür.

Son vaxtlar oğlu ilə yaşadığı "miras savaşı" səbəbinə görə stressli günlər keçirən Emrah çarəni Türkiyədən uzaqlaşmaqda görür. Sibel Kirer ilə gizli nikah bağladığı iddia edilən müğənni artıq Los Ancelesdə ev axtarışına da başlayıb.

Türkiyədəki sərmayələrini əldən çıxarmağa başlayan müğənni sahib olduğu idman salonunu, üç şirkəti və daşınmaz əmlaklarını pula çevirib həyat yoldaşı ilə yeni bir həyat qurmağa hazırlaşır.

Qeyd edək ki, onun bu planları yayda həyata keçirəcəyi deyilir