Hazırda Türkiyədə yaşayan azərbaycanlı müğənni İradə İbrahimovanın Bakıda keçirilən xınayaxdı mərasimində iştirak etmək üçün 20 min dollar alması barədə mətbuatda xəbərlər yayılıb. 

Mediatv.az xəbər verir ki, İ.İbrahimovanın mətbuat katibi Zəminə Rüstəmova musavat.com-a bildirib ki, sənətçi məclisdə qonaq qismində iştirak edib: “İradə İbrahimova  məclisə qonaq kimi dəvət olunub, bacısı Nigar İbrahimova ilə birlikdə iştirak edib. 20 min dollar alması söhbəti yalandır. Toy sahibləri ailəyə yaxın adamlardır və qonaq kimi bacıları dəvət edib. İradə xanım da sənətçi olduğu üçün mütləq mahnı töhfəsini təqdim etməli idi. Həm oxuyub, həm də oynayıb. Yəni, qonaq qismində iştirak edib”.