Müğənni Rəqsanə İsmayılova övladını itirib.

Mediatv.az xəbər verir ki, "Qafqazinfo"ya daxil olan məlumata görə, riskli hamiləlik keçirən Rəqsanə bətnində olan övladını itirib. 

Hətta müğənni bu barədə üstüörtülü şəkildə sosial şəbəkədə paylaşım edib.

Rəqsanə yazıb ki, çəkə bilmədiyi bir dərd onu üstələyib:

“Məni sevənlər, dəyər verdiklərim, bu aralar çəkə bilmədiyim bir dərd məni üstələdi. Elə şeylər var ki, yaza bilmirəm, amma ürəyim doludur. Çox yaxın bir itki yaşadım. Yazmaq da, demək də, çox çətindir. Artıq on gün keçib, amma ayağa durmalıyam və olanlarla barışmalıyam. Allah səbr verəndir. Tanrım heç kimə acı dərd göstərməsin. Vaxt gələr bir gün yaşadığım bu dərdləri sizlərlə bölüşərəm. Amma indi hazır deyiləm. Bunları yazdım, az da olsa, rahatlıq tapdım”.

Qeyd edək ki, "Qafqazinfo" Rəqsanə İsmayılovanın üçüncü dəfə ana olacağı barədə xəbər yaymışdı. Müğənni isə bu barədə açıqlama verərək hamiləlik xəbərini təkzib etmişdi.