Müğənni Əlikram Bayramov xanımından danışıb. 

Sənətçi ailəsində tez-tez söz-söhbətlər olduğunu deyərək, bunda həyat yoldaşını günahlandırıb:

"24 illik ailəm var. Evdə qalmaqal həmişə olur. Bunun səbəbinin çoxu xanımdadır. Çox qısqancdır. Evə gec gələndə sorğu-suala tutur, mən də əsəbləşib dalaşıram. Mənim də dalaşdığım an olur. Məsələn, çayım gec gələndə, paltarım vaxtında hazır olmayanda əsəbləşirəm. Xanım kişini xoş üzlə qarşılamalıdır. Söz-söhbəti sevmirəm.

Qadınlar bilsələr ki, dava olan evə kişi necə həyəcanla gəlir, onda heç dalaşmazlar. Biz qadınlar kimi oturub bütün günü televizora baxmırıq. Kişilərin əsəbləri yerində olmur. Onlara nəvaziş göstərməlisiniz. Xanımlar incə qəlblidir. Tanrı onları yaradıb, kişilərə həvalə edib. Amma bu o demək deyil ki, siz kişilərin zəhmətini qiymətləndirməməlisiniz".

Mediatv.az