"Mediatv.az" xəbər verir ki, axşam.az-a açıqlama verən aparıcı yeni planlarından bəhs edib:

"Verilişim yay tətilinə çıxıb. Yeni mövsümdə davam edəcəyik. Fərqli formatda proqram istəmirəm. Çünki bununla hüzurluyam, sakitəm. Kiminsə həkimə ehtiyacı olanda yardım edirəm. Bu yaxınlarda yeni bir təklif almışam. Hazırki verilişimlə eyni formatdadır. Sadəcə, Türkiyədə çəkiləcək, Azərbaycanda yayımlanacaq. 

Bununla bağlı mən də İstanbula köçüb, orada qalmalıyam. Hazırda danışıqlar gedir. Bütün formatda veriliş aparmışam. Reytinq naminə çalışmaq istəmirəm. Çünki ədalətli olduqlarına inanmıram. O reytinq cədvəllərini kimlərin təyin etdiyi bilinmir. Ölkəmə yararlı veriliş etmək mənim üçün daha önəmlidir".

X.Sənanqızı son vaxtlar aparıcılarla bağlı yaşanan qalmaqallara da münasibət bildirib:

"Bizim vaxtımızda nəzarət çox ciddi idi. Səhər verilişindın çıxırdım, Mirşahin bəy (ANS-in vitse-prezidenti Mirşahin Ağayev - red.) deyirdi, "Xədicə, bir sözü üç dəfə işlətdin". Hər şeyə fikir verirdilər. Bu yaxınlarda hadisələr çox oldu. Tamaşaçılar çox diqqətlidir, hər şeyə fikir verirlər. Canlı efirdə yanlış ifadələr ola bilər, çalışıb buna yol verməməliyik. Gənc kadrlara demək istəyirəm ki, üzərlərində çalışsınlar".