Xalq artisti, Primodonna adlandırılan sənətçi İlhamə Quliyevanın Avropa Oyunlarının məşəl daşıyanlarından biri olması barədə xəbər son günlər mətbuatda geniş müzakirəyə səbəb olub. 
Mediatv.az xəbər verir ki, bu məsələyə Bakı-2015 Avropa Oyunları Əməliyyat Komitəsindən də (BEGOC) münasibət bildirilib. 
Bakı-2015 Avropa Oyunları Əməliyyat Komitəsinin baş icraçı direktoru Azad Rəhimov jurnalistlərin suallarına cavabında bildirib ki, İlhamə xanım Azərbaycanın çox hörmətli müğənnilərindən biridir və onun məşəl daşıması müsbət haldır. 
“İlhamə xanım məşəli Bakıda daşıyacaq 150 məşaldardan biridir. Qaça bilməsə də hərəkət edəcək. Ola bilər ki, primadonna 20-30 metr məşəli daşıdıqdan sonra estafeti digər məşəldara verəcək” - deyə A.Rəhimov söyləyib.