Əməkdar artist Elza Seyidcahan ona atılan şərlərdən danışıb. Mediatv.az-a açıqlama verən ifaçı bildirib ki, artıq bununla bağlı aidiyyəti orqanlara müraciət olunub: “Şou-biznesə gəldiyim gündən mənə şərlər atılıb. Düşünürəm ki, bu şərlərin bir nöqtəsi olmalıdır. Mənim addımlarımı müzakirə edənlərə demək istəyirəm ki, gözəl bəstələrimi müzakirə etsinlər. Musiqilərimin fəlsəfələrini açsınlar. Mənə şər atanlar və barəmdə əsassız yazanlar barəsində lazımı orqana müraciət etmişəm. Heç bir zaman məhkəməyə müraciət etməmişdim. Amma barəmdə deyilən sözlərdən təngə gəlib, məcbur olub, bu addımı atdım. Hər kəs bilsin ki, mənə qarşı edilən pisliklər cavabsız qalmır”.