Əməkdar artist Lalə Məmmədova Kayahan üçün göz yaşı töküb. 

“Mediatv.az”nun məlumatına görə, “Onlar” verilişinə açıqlama verən əməkdar artist Kayahanın ölümündən danışıb: 

“Ətrafımda olan bir çox insan mənim kimi Kayahanın ölüm xəbərini ürək ağrısı ilə qarşıladı. İlk dəfə o mənə “Laləciyim” demişdi. İnanıram ki, sabah başqa bir xəbər eşidəcəm və bu ağrı-acını unudacam. Amma elə deyil, sənət adamlarının itkisi pis təsir edir. Martın 21-də İsveçdən qayıdanda İstanbula bilet almışdım. Kayahanla danışmışdıq, görüşməli idik, hədiyyə də almışdım. Martın 20-si  həyat yoldaşı İpək zəng vurub dedi ki, Kayahanı reanimasiyaya yerləşdirmişik. Hədiyyəmi verə bilmədim.

Onunla danışanda çox sıxılırdım, ürək sözlərimi deyə bilmirdim. Bir dəfə böyük bir məktub yazdım. Çox təvazökar adam idi, tərif deməyə qoymurdu”.