Aktyor həmkarı Hakan Bulutla “Yapışık kardeşlər” filminin qala gecəsinə qatılıb. Filmdən əvvəl pərəstişkarları ilə bir araya gələn aktyorlar şəkil çəkdirərək imza veriblər. Daha sonra jurnalistlərin suallarını cavablandıran Ayrık ilk dəfə Bakını ziyarət etdiyini bildirib: 

“İlk dəfədir ki, şəhərinizin qonağıyam və çox xoşbəxtəm. Buraya həyat yoldaşım ilə gəlmişəm. Bakını dağınıq şəhər bilirdim. Gördükdən sonra fikirlərim dəyişdi, çox bəyəndim. Hələ ki, gəzmək imkanım olmayıb. “Ben bilmem, eşim bilir” üçün cütlüklər seçdik. Yarışmada iştirak etmək üçün Gürcüstandan da cütlüklər gəlib. Bu məni sevindirir. Türkiyəyə gedib onlar arasında seçim edəcəyik. Sabah isə Bakını gəzəcəm”.