Axşam.az-ın məlumatına görə, aktrisa bu haqda “İctimai” telekanalda yayımlanan “Yeni gün” verilişində açıqlama verib. O, martın 10-dan etibarən yeni tamaşalarla Musiqili Komedya Teatrının səhnəsində olacağını bildirib: 

“Bilirsiniz ki, qarşıdan teatr günü gəlir. Həmin gün – martın 10-da Musiqili Komedya Teatrının yeni təmir olunmuş binasının açılışı olacaq. Bu münasibətlə üç gün – ayın 10-u, 11-i və 12-də böyük qala konsert keçiriləcək. Mən də uzun fasilədən sonra yeni tamaşalarla səhnəyə qayıdacağam. Bu mənim üçün ikiqat bayram olacaq. Müəyyən səbəblərə görə səhnədən uzaqlaşmışdım. İndi isə məşqlər edir, yeni rollar hazırlayıram”. 

Qeyd edək ki, Afaq Bəşirqızı ürəyindən əməliyyat olunduğu üçün fəaliyyətinə ara vermişdi.