T.Cücenoğlu "Qızıl irmaq" adlı nağıl-tamaşasının balet versiyasını yazmağı Cavanşir Quliyevdən xahiş edib.

Axşam.az xəbər verir ki, bu barədə "Report"a hazırda Bakıda olan bəstəkar özü məlumat verib. O, Bakıya tətillə əlaqədar gəldiyini deyib:

"Türkiyədə işlərim qaydasındadır. Orada nə qədər qalacağımı deyə bilmərəm, amma şərtlər məni qane edir. Təbii ki, Vətənimdə olmağı çox istəyərdim. Məni qane edən şərtlərlə dəvət olunsam, Azərbaycana qayıda bilərəm. Hələlik orada fəaliyyət göstərməyim məqsədəuyğundur. Bu yaxınlarda ilk baletimi -"Oğuznamə"ni yazıb bitirdim. Hazırda ikinci baletim olan "Nuhun gəmisi"ni yazıram. Bu baletlərin harada və nə vaxt səhnəyə qoyulacağını deyə bilmərəm".