Moskvada 4 yaşlı uşağı amansızcasına qətlə yetirməkdə şübhəli bilinən dayə Gülçöhrə Bobokulova bəyan edib ki, o bu yolla təyyarələrlə müsəlmanları bombalayan Rusiya prezidenti Vladimir Putindən qisas alıb.

Mediatv.az xəbər verir ki, bu barədə videogörüntü `Youtube` sosial şəbəkəsinə yerləşdirilib.

“Putin qan tökür. Niyə heç kim bu barədə danışmır? Onlar da, balaca uşaqlar da yaşamaq istəyirlər”, – deyə Bobokulova bildirib.

Müstəntiqin “bu qətli törətmək üçün səbəbdirmi?” sualına Bobokulova müsbət cavab verib.

Qeyd edək ki, G. Bobokulova martın ikisi 4 yaşlı uşağı amansızcasına qətlə yetirib.O, qızın başını kəsdikdən sonra mənzili yandırıb. Sonra uşağın kəsilmiş başını götürərək “Oktyabrskoye pole” metro stansiyasına yollanıb. G. Bobokulova metronun girişində “Allahu Əkbər” qışqırıb və özünü partlatmaqla hədələyib. Polis ərazini mühasirəyə aldıqdan sonra qadını saxlamaq mümkün olub.

Məhkəmə G. Bobokulova barəsində psixoloji ekspertizanın keçirilməsi haqqında qərar verib. Hüquq-mühafizə orqanları isə G. Bobokulovanın həyat yoldaşını axtarır. Onun bu cinayətlə əlaqəsinin olub-olmaması araşdırılır.

AzVision.az