Azərbaycanda iri ranqlı məmurların bizneslə məşğul olması artıq uzun illərdir ki, adi hal alıb. Ölkə daxilində və xaricdə şirkətləri olan məmurlar, necə deyərlər, qaz vurub, qazan doldururlar. Odur ki, mütəmadi olaraq, mətbuatda, sosial şəbəkələrdə bu və ya digər məmurun biznesləri barədə məlumatlara rast gəlinir. Mediatv.az  xəbər verir ki, araşdırmaçı-jurnalist Cavanşir Həsənli özünün “Feysbuk” səhifəsində Heydərovlara məxsus xaricdəki şirkətlərin bir-birinin ardınca bağlanmas  barədə maraqlı məlumat paylaşıb. Cavanşir Həsənli yazır:Ötən il və daha sürətli templə bu il İngiltərədə Heydərovlara məxsus şirkətlərin bir-birinin ardınca bağlanması çox ehtimal ki, siyasi qərardır. Ən azından ona görə ki, bu proses Fövqəladə Hallar nazirinin oğullarına məxsus şirkətlərlə məhdudlaşmayıb. Kəmaləddin Heydərovun bacısı qızı Leyla Şahbazova da bu ilin iyulunda Londonda təxminən 3 il əvvəl təsis etdiyi ROSE PEARL LTD şirkətinin fəaliyyətinə xitam verib. 

Leyla Şahbazova keçmiş Vergilər Nazirliyinin İnsan resursları departamentinin sabiq baş direktoru Faiq Şahbazovun qızıdır.