Azərbaycandan olan yəhudi milyarderlər Moskvada “Lotos Siti” ticarət kompleksini alıblar.

 

Bu barədə “İnterfaks” agentliyi özünün etibarlı mənbələrinə istinadən məlumat yayıb.

 

Agentlik hazırda müqavilənin bağlı olduğunu bildirib. Qod Nisanovun Mətbuat Xidməti faktı təsdqiləsə də, şərtlərini açmaqdan imtina edib.

 

Qeyd edək ki, “Lotos Siti” kompleksinin ümumi ərazisi 1,5 milyon kvadrat metr ərazini əhatə edir. Bu ərazinin 400 min kvadrat metrini parkinq təşkil edir. Ticarət mərkəzində həmçinin 20 min ticarət obyekti yerləşdirilib.

 

Onu da xatırladaq ki, Qod Nisanov və Zarax İliyev əslən Azərbaycanın  Quba rayonunun  Qırmızı Qəsəbəsindəndirlər. Dağ yəhudilərindən olan biznesmenlər, digər azərbaycanlı biznesmen professor İlham Rəhimovla  birgə  “Yevropesyski” Ticarət Mərkəzi, “Ukraina” mehmanxanası, "Kiyevski Ploşad" şirkətinin sahibidirlər. /Axar.az/