Türkiyədə  Daxili İşlər Nazirliyində  hazırlanan və Nazirlər Kabinetində imza üçün göndərilən "Daxili Təhlükəsizlik İslahatları Paketi" qüvvəyə minəcək.

Mediatv.az xəbər verir ki,  bundan sonra  aksiyalar zamanı  "molotov  koktelindən" istifadə edənlərə qarşı polis  silahdan istifadə edə biləcək. Bundan başqa yeni qanuna görə,  silah, daş, dəyənək, sapan, dəmir mərmər,  yandırıcı və yaralayıcı maddələrdən istifadə edənlərə qarşı da silahdan istifadə edilmə icazəsi veriləcək. Belə şəxsləri həmçinin həbs də gözləyir.

 

Qeyd edək ki, oktyabrın əvvəllərində PKK yönümlü şəxslər Türkiyənin müxtəlif şəhərlərində iğtişaşlar törətmiş və bu hadisələr zamanı 30-dan çox dinc insanı öldürmüşdülər. Müşahidəçilər yeni qanunun məhz PKK-nın iğtişaları səbəbindən hazırlandığını bildirirlər.