Bakı Baza Tibb Kolleci 3-4 aylıq MMC-lərlə işbirliyini davam etdirir

Ana səhifə Bizimlə əlaqə

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

Karusel (16-11-2020, 10:34)
Bakı Baza Tibb Kolleci 3-4 aylıq MMC-lərlə işbirliyini davam etdirir

Aktualinfo.org keçən həftə Bakıdakı 2 saylı Baza Tibb Kolleci tərəfindən keçirilən kotirovka sorğularında qanun pozuntularına yol verilməsi ilə bağlı “Bakı Baza Tibb Kollecində dövlət vəsitləri kimlərin əli ilə xərclənir?” başlıqlı araşdırma məqaləni ictimaiyyətin diqqətinə çatdırmışdı.Bu gün məlum olmuşdur ki, Kollec bir ay bundan əvvəl işbirliyi qurduğu MMC-lərlə dünən yenidən bir neçə satınalma müqaviləsi bağlamışdır.Həmin müqavilələri biz təqdim edirik,siz isə müqayisə edin.

2 saylı Baza Tibb Kolleci tərəfindən nəticələri 13.11.2020-ci il tarixdə elan olunmuş maşın və avadanlıqların alınması üzrə koturovka sorğusunun qalibi “DİMETRAL” Məhdud Məsuliyyətli Cəmiyyəti olmuş və 23100 manat məbləğində müqavilə bağlanmışdır.Xatırladaq ki,Kollec ötən ay sözügedən MMC ilə qeyri yaşayış binaların əsaslı təmiri üzrə 31 152.55 manat məbləğində müqavilə bağlayıb.Maşın və avadanlıqların alınması hara,binaların əsaslı təmiri hara?

13.11.2020-ci il tarixdə isə dəftərxana və təsərrüfat malların satın alınması üzrə keçirilmiş koturovka sorğusununda “MODRENTİ 2020” Məhdud Məsuliyyətli Cəmiyyət qalib olmuş və tərəflər arasında 17370 manat məbləğində müqavilə imzalanmışdır.Cəmi ir ay əvvəl isə Bakı Baza Tibb Kolleci göstərilən MMC ilə dəftərxana və təsərrüfat malların satın alınması üzrə 22310.2 manat məbləğində satınalma müqaviləsi bağlanılmışdır.

13.11.2020-ci il tarixdə istilik sisteminin borularının və su xətlərinin yenidən çəkilməsi üzrə keçirilmiş koturovka sorğusununda “FONTİN” Məhdud Məsuliyyətli Cəmiyyət qalib olmuş və tərəflər arasında 9645 manat məbləğində müqavilə imzalanmışdır.Qeyd edək ki,bu MMC-nin də qanuni təmsilçisi “MODRENTİ 2020” Məhdud Məsuliyyətli Cəmiyyətinin qanuni təmsilçisi olan Verdizadə Pərviz Saday oğludur.

13.11.2020-ci il tarixdə kitabların və jurnalların satın alınması üzrə keçirilmiş koturovka sorğusununda “KOKARDİN HONDİNQ” Məhdud Məsuliyyətli Cəmiyyət qalib olmuş və tərəflər arasında 7725 manat məbləğində müqavilə imzalanmışdır.Ötən ay isə Bu MMC ilə jurnalların və kitabların alınmasına 7665 manat məbləğində vəsait ayırıb.

Ötən yazıda 2 saylı Baza Tibb Kollecinin keçirdiyi kotirovka sorğularının qalibi olan MMC-lər barədə ətraflı məlumat vermişik.Odur ki,bir daha təkrar etmək istəmirik.Lakin qeyd etmək istərdik ki,Baza Tibb Kollecinin Tender Kommisisiyası bir ay ərzində maddi texniki bazası,ixtisas göstəriciləri bəlli olmayan,3-4 ay əvvəl yaradılmış MMC-lərlə 130 min manatdan çox satınalma müqaviləsi bağlamışdır.Müqavilələrin bağlandığı MMC-lərin isə eyni ünvanda, bir nəfərə məxsus olması açıq aydın görsənir və bir əldən idarə olunduğunu deməyə əsas verir.Amma kim və yaxud kimlər tərəfindən? Bu hələlik bizlərə bəlli deyil. Amma nə 2 saylı Baza Tibb Kollecinin direktoru nə də qurumun Tender Kommissiyası yol verilən bu qanun pozuntularına açıqlama vermirlər.Kimə arxalanır,kimə güvənirlər,yenə də bəlli deyil.
Aktualinfo.org