Rusiyanın Mi-8 və Mi-24 helikopterləri Azərbaycana gələn Rusiya sülhməramlılarının kolonunu müşayiət edib.
"Mediatv.az" xəbər verir ki, bu sözlər Rusiya Müdafiə Nazirliyinin açıqlamasında əksini tapıb.
Bildirilib ki, sülhməramlıların kolonu “Erebuni” aerodromundan (Ermənistan) çıxıb və Gorus vasitəsilə Xankəndiyə (Azərbaycan) gəlib.
Bundan öncə Rusiya An-124 Ruslan təyyarələri ilə İrəvan aerodromuna 8 helikopter gətirib.
Bu vaxta qədər artıq 1103 sülhməramlı və 168 texnika Azərbaycan ərazisində nəzərdə tutulan bölgəyə yerləşdirilib.
Qeyd edək ki, ümumilikdə əraziyə 1960 sülhməramlı və 90 hərbi zirehli texnika, 380 ədəd avtomobil və xüsusi texnikadan ibarət sülhməramlı kontingenti yerləşdiriləcək.шаблоны для dle 11.2