İlham Əliyev qeyd-şərtsiz qalibdir, onu Qalib Ali Baş Komandan adlandırırlar.
Mediatv.az xəbər verir ki, bunu israilli siyasi analitik David Eydelman ITON.TV kanalının efirində Azərbaycanla Ermənistan arasında sentyabrın 27-də Ermənistan tərəfinin təxribatı ilə başlanan və noyabrın 10-da üçtərəfli sazişin bağlanması ilə başa çatmış Vətən müharibəsindən danışarkən deyib.
“İndi isə keçək məğlub tərəfə. Məğlub olan tərəf Ermənistandır. Müharibə maliyyə, texnoloji, elmi və demoqrafik göstəricilərə əsaslanır və bu baxımdan Ermənistanın çəkisi tərəzidə həddindın artıq yüngül oldu. O (Ermənistan – red.), müharibəni qazana bilməzdi. İlham Əliyev bu müharibəni istəmirdi və onu ləngitmək üçün əlindən gələni etdi. Paşinyana dəfələrlə sülh müqaviləsi təklif olundu, lakin o, hər dəfə imtina etdi. Ermənistan müdafiə naziri David Tonoyan onların (ermənilərin – red.) “ərazilərin əvəzində sülhə ehtiyac duymadıqlarını” və “yeni ərazilər üçün yeni müharibə” adlı yeni bir formul icad etdiklərini bildirdi. İyul ayında Azərbaycan ərazilərini atəşə tutaraq Qarabağda müharibəni başladan da məhz ermənilər oldu.
Sentyabr ayında yeni toqquşmaların başladığı zaman Azərbaycan sürətlə hücum etmədi. Ermənilərə elə gəldi ki, bliskriq (ildırım sürətli müharibə - red.) uğursuz oldu. Halbuki bliskriq heç yox idi. Ermənilər daha dəhşətli bir müharibə – tükənmə və resurs müharibəsi ilə üz-üzə qaldı”.шаблоны для dle 11.2