Ucar rayonunda yaşayan Məmmədov Ulfan Məhəmməd oğlu “Mediatv.az” a müraciət edib. 

O, müraciətində Səfərbərlik və Hərbi Xidmətə çağırış üzrə Dövlət Xidməti Ucar rayon şöbəsinin rəisi Həbib Əliyevin süründürməçiliklərdən cana doyduğunu bildirib. 

Onun sözlərinə görə, rəis xidmətə yararsız olan onlarla gəncə nə möhlət hüququ verən sənəd, nə də hərbi bilet verir. “Övladım Məmmədov Əli Ulfan oğlu hərbi çağırışçıdır. Xəstəliyi səbəbindən hərbi xidmətə yararsızdır. Səfərbərlik və Hərbi Xidmətə çağırış üzrə Dövlət Xidməti Ucar rayon şöbəsinin rəisi Həbib Əliyev nə möhlət hüququ verən sənəd, nə də ki hərbi bileti bizə verir”. 

Sakin ölkə başçısı İlham Əliyevdən şöbədə baş verən qanunsuz hallara qarşı tədbir görülməsini xahiş edib. 

U. Məmmədovun vəkili Vasif Abdullayev də “Qafqazinfo” açıqlamasında baş verən qanunsuzluqları təsdiqləyib.

Günel