Sentyabrın 14-dən referendumla əlaqədar seçki bülletenlərin dairə seçki komissiyalarına paylanılmasına başlanacaq.

Mediatv.az-ın məlumatına görə, bunu Mərkəzi Seçki Komissiyasının sədri Məzahir Pənahov qurumun bugünkü iclasında deyib.
Onun sözlərinə görə, referendumu müşahidə etmək üçün dairələrdə 46 569 müşahidəçi qeydə alınıb: “Dairələrdə müşahidəçilərin qeydiyyatı seçkilərə 5 gün qalana qədər davam edəcək”.
MSK sədri qeyd edib ki, komissiyada referendumu izləmək üçün 1 057 müşahidəçi qeydiyyatdan keçib və onların 777-si QHT-lərdir: “Seçki günü müşahidəçilərin müraciətlərinə dərhal münasibət bildirilməlidir”.

“Report”