Qazaxıstan prezidenti Nursultan Nazarbayev bəyan edib ki, Qərbin Rusiyaya tətbiq etdiyi sanksiyalardan onun ölkəsi əziyyət çəkir.

Avropa.info xəbər verir ki, Nazarbayev Qazaxıstan iqtisadiyyatının çöküşünü ilk növbədə neft, ikinci səbəb kimi Rusiyaya qarşı sanksiyalarla əlaqələndirib:

“Neft qiymətlərinin ucuzlaşmasından və iqtisadi tərəfdaşımız Rusiyaya tətbioq olunan sanksiyalar bizə çox böyük çətinliklər yaradır. Bunlar bizə çox təsir edir”.

Nazarbayev qeyd edib ki, Qazaxıstan kimi Rusiya da xammal ölkəsidir. Onun sözlərinə görə Mendelyev cədvəlinin 53 elementi Qazaxıstanda hasil edilir. Xammaldan asılı qalmamaq üçün Nazarbayev artıq sənayeləşmənin “beşillik” planını hazırlayıb.