Erməni silahlı bölmələrinin sentyabrın 1-də Tərtər rayonunda toy çadırını atəşə tutması nəticəsində xəsarət alan 63 yaşlı Müşkinaz Tanrıverdiyeva Bərdə Mərkəzi Rayon Xəstəxanasına əməliyyat olunub.

Səhiyyə Nazirliyinin mətbuat xidmətinin rəhbəri Liya Bayramovanın APA-ya verdiyi məlumata görə, M. Tanrıverdiyeva xəstəxanaya qəbul edildikdən dərhal sonra müayinə olunub: “Müayinələrdən sonra Müşkinaz Tanrıverdiyeva dünən axşam əməliyyat olunub və güllə onun bədənindən xaric edilib. Hazırda onun vəziyyəti əməliyyata uyğundur”.

L. Bayramova əlavə edib ki, Tərtər Mərkəzi Rayon Xəstəxanasına yerləşdirilən digər mülki şəxs Mədinə Əhmədova evə buraxılıb.

Qeyd edək ki, hadisə rayonun Qapanlı kəndində həyətdə toy mərasimi keçirilərkən baş verib.