Ağcabədi rayonunda ata oğlunu bıçaqlayıb.

APA-nın Qarabağ bürosunun məlumatına görə, hadisə Ağcabədi şəhəri, Babək küçəsi ev 11-də baş verib. Ailə münaqişəsi zəminində 1958-ci il təvəllüdlü Niyazi Ağayev 1989-cu il təvəllüdlü oğlu Fərhad Ağayevə iki bıçaq zərbəsi vurub. Qarın nahiyəsinin sol tərəfindən yaralanan F. Ağayev xəstəxanaya yerləşdirilib. Onun vəziyyətinin orta ağır olduğu bildirilir.

Faktla bağlı Ağcabədi rayon Prokurorluğunda araşdırma aparılır.