Odessa əyalətinin qubernatoru Mixail Saakaşvili Ukraynanın Səhiyyə naziri Sandro Kvitaşvilini istefa verməyə çağırıb.

Mediatv.az xəbər verir ki, bu haqda sabiq Gürcüstan prezidenti öz “Facebook” səhifəsində yazıb. Saakaşviliyə görə Səhiyyə nazirliyində düşmənləri qorxutmaq üçün daha qətiyyətli siyasət aparan idarəçi lazımdır.

“Təəssüf ki, bu sahədə Sandranon belə keyfiyyətləri çatışmadı. O, vəzifələrini yaxşı yerinə yetirirdi. Mən ona çox müsbət yanaşıram, ancaq nazir vəzifəsində getməyin vaxtı çatdığını da dedim. Bu iş üçün daha aqressiv adam tapmaq lazımdır” – deyə Saakaşvili bildirib.

Saakaşvili qeyd edib ki, Səhiyyə nazirliyində işlər yaxşılaşmaq əvəzinə daha da pisləşib. Son aylar Kvitaşvili çoxsaylı tənqidlərə məruz qalmışdı. Onun dərman alınmasına verilən büdcə pullarını mənimsəməkdə ittiham edirdilər.

Əvvəllər Gürcüstanda işləmiş Kvitaşvili 2014-cü ilin dekabrında Ukraynanın Səhiyyə naziri təyin olunmuşdu.