Qax rayonunun sakinini ildırım vurub.  APA-nın Şəki –Zaqatala  bürosunun məlumatına görə, hadisə bu gün axşam saatlarında Qax rayonunun Zəyəm kəndində baş verib. 1989-cu il təvəllüdlü Nurlu Səməndər qızı Surxayeva yaşadığı evin həyətyanı sahəsində mobil telefonla danışan zaman onu ildırım vurub.

26 yaşlı Nurlu hadisə yerinə çağırılmış Qax Rayon Mərkəzi Xəstəxanasının təcili tibbi yardım şöbəsinin əməkdaşlarının müşayiəti ilə xəstəxanaya aparılıb.

Qax RMX-dan APA-ya verilən məlumata görə, N.Surxayeva xəstəxananın reanimasiya şöbəsinə yerləşdirilib, vəziyyəti orta-ağır qiymətləndirilir.