“Türk axını" kəmərinin tikintisi gecikir.

Avropa.info xəbər verir ki, kəmərin tikintisinin gecikməsi “Qazprom” və Türkiyənin “Botaş” şirkəti arasında aparılan danışıqların uzanması üzündəndir.  Bu haqda “Kommersant” qəzeti yazır. 

Qəzetin yazdığına görə, tərəflər güzəşt barədə razılaşıblar, amma güzəştin müqavilənin hansı bəndinə tətbiq olunması barədə razılığa gələ bilməyiblər. 

Eyni zamanda həm rus, həm türk şirkəti itkilər verir. Altı aylıq fasilə ucbatından “Qazprom”un kəmər çəkən gəmiləri bir neçə yüz milyon avro itiriblər. Ankara isə rus qazını orta Avropa qiymətindən (370$) 100$ daha baha almağa məcburdur. 

Bundan əlavə Türkiyə sıxılmış qazın idxalını artırır. Bu qazın min kubmetri rus qazı ilə müqayisədə 50$ ucuzdur. Məhz bunun nəticəsində aprel ayında Rusiyanın Türkiyəyə qaz tədarükü 38% aşağı düşüb.

Qəzet daha bir səbəb kimi Rusiya prezidentinin erməni genosidi haqda Yerevandakı bəyanatını göstərir.