Badamovun dövlətə dəhşətli xidməti: 16 saata bir “tık”... - AY MAŞALLAH...

Ana səhifə Bizimlə əlaqə

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Bakıda sabiq icra başçısının klinikasında qəssabxana açıldı - AQTA bağladı

Ermənistanın bunu etməsi narahatlıq yaradır - Əliyev

Karusel (5-07-2024, 16:26)
Badamovun dövlətə dəhşətli xidməti: 16 saata bir “tık”... - AY MAŞALLAH...

Sosial şəbəkələrdə Milli Məclisin 4-cü, 5-ci, 6-cı çağırış deputatı və inşallah, 7-ci növbədənkənar çağırışda da deputat olacaq Azər Badamovun Yutub sosial şəbəkəsindən istifadə ilə necə möhtəşəm, misilsiz, analoqsuz, sonra.., Avropa standartlarına uyğun, Markın anasını, Maskın atasını ağladan təbliğatının əzəmətini əks etdirən skrin paylaşılıb.

Skrindən aydın olur ki, 16 saatdır Yutub kanalına yerləşdirilən əzəmətli, möhtəşəm (qalanını siz əlavə edərsiniz) çıxışa bir “tık” var – yəni bir baxış.

Düzdür, bunu gözügötürməzlikdən doğan hikkə ilə, qısqanclıqla lağlağı obyekti ediblər. Ancaq heç düz etməyiblər. And olsun Yaradanımıza ki, ölkənin illərdir mövcud olan və aldığı titulları bir dəvə karvanının daşıya bilməyəcəyi görkəmli nümayəndələrinin içərisində Yutub sosial şəbəkəsində milli siyasətimizlə bağlı paylaşdıqları şəxsi müsahibələrinin baxışı 0 (sıfır) olanlar da var. Yəni sıfra baxanda 1-in nə qədər böyük olduğunu təsəvvür etmək lazımdır, bir az ədalətli olun. Elələri var ki, Yutuba qoyduğu videoya özü belə “tık” eləmir, günlərlə baxışı “sıfır” qalır – bu adam 16 saat ərzində heç olmasa özü özünə baxıb da: bu boyda irəliləyişi necə qiymətləndirməmək olar, ay şəbədəçi-təxribatçılar?

Həm də hörmətli, sayın, əziz millət vəkilimiz Azərbaycan dövlət dilinin də keşiyində durur. Yaydığı videonun adına diqqət edin: “Seçicilərimi narahat edən məslələri ilə bağlı çıxışım.”

Dildən istifadənin gözəlliyinə, unikallığına, əzəmətinə baxın: “Seçicilərimi narahat edən məslələri ilə bağlı...” Nə qədər dahiyanə, müdrik kəlamdır, necə mükəmməl izah edir!

Bax, bu cür dili təmiz bilən, seçicilərini “narahat edən məslələri ilə bağlı” Milli Məclisdə çıxışlar edən və bunu yayan, bütün milli-siyasi məsələlərdə “susmaq qızıldır” prinsipinə sadiqlik göstərən və yaxud Prezidentin çıxışlarından kopyaladığı parçaları birləşdirib, analitik yazı adına dərc edən millət vəkillərinə bizim çox böyük ehtiyacımız var.

1 sentyabr gəlsəydi, bu deputatlarımıza səs verərdik – lap darıxdıq...

axar.az