Rusiyada 100 milyon dollara 3 sanatoriya tikmək istəyən azərbaycanlı kimdir?

Ana səhifə Bizimlə əlaqə

«Şərqi Zəngəzur»da tenderləri kimlər udur?

GƏNCƏ DÖVLƏT UNİVERSİTETİNDƏ ÖZBAŞINALIQLAR BİTMƏK BİLMİR

Ramin Abdullayevlə tender şirkətləri arasında pul davası

6 Saylı Ekologiya idarəsinin ərazilərində ekoloji terror davam edir

Cavanşir Feyziyev Londonda itirdiyini Gürcüstanda qazanır

“Tenderlərə nəzarət edən qurumun qanunundan xəbəri yoxdur” – Ekspert

Deputatın tikdiyi binanın əyilməsi ilə bağlı XƏBƏRDARLIQ

Nazirlik məktəbin tikintisinə icazə almadan bu şirkətə 5,3 milyon pul ayırıb

YAŞILLIĞI KİMLƏR VƏ NƏ SƏBƏBƏ MƏHV EDİR?

Karusel (28-02-2024, 15:55)
Rusiyada 100 milyon dollara 3 sanatoriya tikmək istəyən azərbaycanlı kimdir?

Azərbaycandan olan şirkət Rusiyanın Jeleznovodsk xüsusi iqtisadi zonasında üç sanatoriyanın tikintisinə 9 milyard rubl (100 milyon dollar) sərmayə qoymağı planlaşdırır.
Yeniavaz.com TASS-a istinadən bildirir ki, bunu Jeleznovodsk xüsusi iqtisadi zonasının rəhbəri Yevgeni Bakulin bildirib.
“İnvestorlar yenidən Jeleznovodsk xüsusi iqtisadi zonasına maraq göstəriblər. Azərbaycanlı investor ümumi sahəsi 9 hektar olan üç torpaq sahəsi üçün müqavilə bağlayıb. İnvestisiyaların həcmi təxminən 9 milyard təşkil edəcək”, - deyə Bakulin bildirib.
Onun sözlərinə görə, həmin ərazidə 600 otaq və 1200 çarpayılıq üç sanatoriyanın tikintisi nəzərdə tutulub.
Qeyd edək ki, Bakulin investorun kimliyini açıqlamayıb.
Məlumat üçün bildirək ki, daha əvvəl də Jeleznovodsk xüsusi iqtisadi zonasında Azərbaycan sərmayəsi ilə sanatoriyalar inşa olunub.
2018-ci ildə Jeleznovodsk xüsusi iqtisadi zonasının yerləşdiyi Stavropol diyarının rəhbəri Vladimir Vladimirov mətbuata verdiyi açıqlamada bildirib ki, Azərbaycandan olan sərmayəçilər üç sanatoriya tikirlər.
Vladimir Vladimirov deyib ki, Azərbaycandan olan investorlar 2016-cı ildə Essentukidə 1,5 milyard rubldan çox vəsait hesabına 400 çarpayılıq “İstochnik” sanatoriyasını tikiblər. Stavropol diyarının rəhbəri hələ 2018-ci ildə bildirib ki, Jeleznovodskda (400 yerlik) və Kislovodskda iki (500 və 600 yerlik) sanatoriyanın tikintisi davam edir.
Onu da qeyd edək ki, 2017-ci ildə keçirilən Rusiya-Azərbaycan regionlararası forumu çərçivəsində Kislovodsk şəhərində “Rusel” sanatoriyasının tikintisi ilə bağlı müqavilə imzalayıb. Bu sanatoriyanı Gəncə şəhər İcra Hakimiyyətinin sabiq başçısı Elmar Vəliyev və Azərbaycanın hərbi prokuroru Xanlar Vəliyevin qardaşı Şahmar Vəliyevin Rusiyanın Yesentuki şəhərində təsis etdiyi “Rusel” şirkəti inşa edib.