Türkiyənin maliyyə naziri və prezident Rəcəb Tayyib Ərdoğanın kürəkəni Berat Albayrak bazar ertəsi lirənin xilası üzrə fəaliyyət planını investorlara təqdim edəcək.

Mediatv.az  xəbər verir ki, bu barədə o, “Hurriyet”ə müsahibəsində bildirib. 

Albayrakın rəyinə görə, milli valyutanın məzənnəsinin düşməsi maliyyə sisteminin ən böyük oyunçusu tərəfindən başlanılmış hücumdur. Nazir qeyd edib ki, bu vəziyyətdə fəaliyyət planının hazırlanmasında real sektorun kiçik və orta müəssisələri iştirak ediblər.

Qeyd edək ki, ABŞ prezidenti Donald Trampın Türkiyədən alüminium və polad idxalına rüsumları artırmasından sonra türk lirəsinin məzənnəsi dollara nisbətdə kəskin ucuzlaşıb.