Birja həftəsinin ilk günü Rusiyanın energetika nazirinin açıqlamaları neftin bahalaşmasına səbəb olub.

Mediatv.az  "APA TV"-yə istinadən xəbər verir ki, Aleksandr Novak bazarda artıq balansın yaranmağa başladığını deyib. 

O bildirib ki, toplanan ehtiyatların 50 faizi isə artıq istifadə edilib. Nazir, eyni zamanda, neft sektoruna investisiyaların artmağa başladığını qeyd edib və bu üç amili hasilatın azaldılması haqqında razılaşmanın nəticəsi adlandırıb.

Nazir qeyd edib ki, pozitiv meyillərə rəğmən, balansın yaranmasına çox var, bu səbəbdən qlobal neft paktının müddətini artırmaq vacibdir. Rusiyanın qərarı dəstəkləməsi xəbərindən sonra birjalarda neftin qiyməti bahalaşmağa başlayıb.

Hazırda "Brent" markalı neftin bir bareli 63,9 dollardan satılır, Qərbi Texas nefti isə 58,73 dollara təklif olunur. İki marka arasında fərq 5 dollardan artıqdır, OPEK-in Vyana görüşü ərəfəsində bu fərqin 7 dollara kimi artacağı proqnozlaşdırılır.