Cari ilin sentyabr ayının 1-nə Azərbaycanda elektrik enerjisi, qaz və buxar istehsalı, bölüşdürülməsi və təchizatı sektorunda 1 mlrd. 138,1 mln. manat dəyərində məhsul istehsal olunub.

Mediatv.az Dövlət Statistika Komitəsinə istinadən xəbər verir ki, əvvəlki ilin yanvar-avqust ayları ilə müqayisədə 0,1%-lik artım baş verib.

Su təchizatı, tullantıların təmizlənməsi və emalı sektorunda istehsal edilmiş məhsulların həcmi 1% azalaraq, 197,5 mln. manat təşkil edib.

Hesabat dövründə  15 243 mln. kVt/saat elektrik enerjisi istehsal edilib. Bunun 1 333,5 kVt/saatı su elektrik stansiyalarının istehsalının, 13 231,4 kVt/saatı istilik elektrik stansiyalarının
payına düşüb. Qeyd edək ki, 2016-cı ilin 8 ayı ilə müqayisədə su elektrik stansiyalarının istehsalı 7,1% azalıb. Əvəzində istilik elektrik stansiyalarının istehsalı 2,4% çoxalıb.  

Yanvar-avqust ayları ərzində küləklə işləyən stansiyaların enerji istehsalı 8,9 kVt/saat olub. Bu da 2016-cı ilin 8 ayı ilə müqayisədə 19,1% azalma deməkdir.

Günəş enerjisi ilə işləyən stansiyaların istehsalı 2016-cı ilin səkkiz ayı ilə müqayisədə 34,2% azalaraq, 28,9 kVt/saat olub.