Keçən ilin ilk yarısında 9 min 378 nəfər əcnəbi vətəndaş Türkiyədən ev  almışdısa, 2017-ci ilin müvafiq dövründə bu rəqən 2,3 faiz artıb.

Mediatv.az Türkiyə mətbuatına istinadən xəbər verir ki, altı ayda qonşu ölkədən 9 595 mənzil alınıb. Əcnəbilərə mənzil satışı bu ilin aprel ayında 2,1 faiz, may ayında 10,1 faiz, iyunda 24,8 faiz artıb. 

Xaricilər daha çox İstanbuldan ev alıblar. Ötən ay İstanbulda 903 mənzil satılıb. Antaliya üzrə bu rəqəm 408 olub.

O ki qaldı hansı ölkələrin vətəndaşlarının Türkiyədən mənzil almasına, iyunda Səudiyyə Ərəbistanı 612 mənzil alışı ilə birinci sırada qərarlaşıb. Ruslar Türkiyədən 115 mənzil alıb.

Cari ilin birinci yarısına olan statistikada isə siyahıda İraq vətəndaşları üstünlük təşkil edir. Onlar Türkiyədən 645 mənzil alıblar. Səudiyəlilər 514, Azərbaycan vətəndaşları 333 daşınmaz əmlaka yiyələniblər.