“Hazırda banklarda qəbul edilən girovların 70%-i daşınmaz əmlak təşkil edir”.

Mediatv.az APA-ya istinadən xəbər verir ki, bunu “Daşınar əmlakın yüklülüyü islahatı: nailiyyət və çağırışlar” mövzusunda keçirilən regional konfransda Azərbaycan Banklar Assosiasiyasının (ABA) prezidenti Zakir Nuriyev deyib.

Onun sözlərinə görə, kiçik və orta sahibkarlıq subyektlərinin əksəriyyəti kredit almaq üçün daşınmaz əmlakını girov qoya bilmirdi: “Daşınar əmlakın yüklülüyü haqqında” qanunun qəbulu kiçik və orta sahibkarların kredit almaq imkanını yaxşılaşdıracaq. 

Qanunun tətbiqi ilə əhalinin aztəminatlı hissəsinin gəlirləri artacaq, məşğulluq yülsələcək, yoxsulluğun azaldılmasına xidmət edəcək”.