“Dövlət Neft Fondu (SOFAZ) I rübdə gəlirləri 3 mlrd. 273 mln. manat, xərcləri isə 3 mlrd. 848 mln. manat təşkil edib”.

Mediatv.az “Report”a istinadən xəbər verir ki, bu barədə Fondun icraçı direktoru Şahmar Mövsümov bildirib.

Ş.Mövsümov qeyd edib ki, hesabat dövründə SOFAZ-ın neft və qaz sazişlərinin həyata keçirilməsi ilə bağlı gəlirləri 2 mlrd. 899,1 mln. manat, o cümlədən mənfəət nefti və qazın satışından gəliri 2 mlrd. 894,4 mln. manat, bonus ödənişləri 0,1 mln. manat, tranzit gəlirləri 4,6 mln. manat təşkil edib. 

Fondun vəsaitinin idarə olunmasından əldə edilən gəlirlər 373,4 mln. manata bərabər olub. Hesabat dövrü ərzində Neft Fondunun 2017-cı il büdcəsinin icrası çərçivəsində 1 mlrd. 525 mln. manat vəsait dövlət büdcəsinə transfert edilib. 

Qeyd olunub ki, I rübdə SOFAZ-ın idarə edilməsi ilə bağlı xərcləri 3,9 mln. manat təşkil edib.