Xəbər verdiyimiz kimi, 09 mart 2017-ci il tarixində Mərkəzi Bankda Dövlət Neft Fondunun da iştirakı ilə hərrac keçirilib.

Mediatv.az:   Hərracda və hərraca qədər banklararası valyuta bazarında bağlanmış əqdlər üzrə orta çəkili məzənnə 1,7431 səviyyəsində formalaşıb. Bu səviyyə bugünkü rəsmi məzənnə (1.7563) ilə müqayisədə 0.75% aşağıdır.

Hərracın nəticəsi məlum olduqdan sonra banklarda dollar ucuzlaşıb.
“Marja” xəbər verir ki, UniBank dolları 1.70 manata alıb, 1.7563 manata satır.

Bank of Baku dolların alışını 1.71 manata, satışını isə 1.7650 manata endirib.

Səhər saatlarında banklar dolları əsasən 1.7760 – 1.83 manat səviyyələrindən satırdılar.
Bank Respublika dolların satış qiymətinin 1.83 manatdan 1.80 manata endirib