02 Fevral 2017-ci il tarixində Mərkəzi Bankda Dövlət Neft Fondunun da iştirakı ilə hərrac keçirilib.

Mediatv.az:   Hərracda manatın orta çəkili məzənnəsi 1,9111 səviyyəsində formalaşıb.

Qeyd edək ki bu gün rəsmi USD/AZN məzənnəsi 1,9200 manat səviyyəsindədir. Beləliklə, manat dollar qarşısında təxminən 0,5% güclənib.

Qeyd edək ki, Ötən ilin 18 Oktyabr tarixindən bəri dollar manat qarşısında davamlı dəyər qazanırdı.

“Marja” xəbər verir ki, hərracda dolların ucuzlaşmasının ardından banklar alış qiymətini aşağı salmağa başlayıblar. Qeyd edək ki, dolların ucuzlaşmasını hiss edənlər əvvəlcədən bankların filiallarında və “qara bazar”da hərracın bitməsini gözləyirdilər. Dolları ucuz alıb baha satmaq istəyənlər, indi satışa keçiblər. Çoxları səhər saatlarında dolları “qara bazar”da 1.92 manatdan satsa da, gözləməyə üstünlük verərnlər uduzublar.

Banklar dolları daha ucuz almağa başlayıblar.

Məsələn, dolların alış qiymətini Unibank 1.91 manatdan 1.90 manata, Amrahbank 1.9150 manatdan 1.9050 manata salıb.
Satış qiymətləri də aşağı düşüb. Dolların satış qiymətini Amrahbank 1.9450 manatdan 1.9350 manata endirib.
* * *

Xəbər verdiyimiz kimi bu gün Mərkəzi Bankda valyuta hərracı keçiriləcək.

Bank dairələrindən əldə etdiyimiz məlumata görə, hərraca 35 milyon dollar çıxardılıb.

Qeyd edək ki, bu gün rəsmi USD/AZN məzənnəsi 1.92 manat səviyyəsindədir.

Bir əvvəlki valyuta hərracında da banklara 35 milyon dollar satılmış, Dollar hərracda cüzi bahalaşaraq 1.9165 manatdan 1.92 manata qalxmışdı. Banklarda isə Dolların düşməsi müşahidə olunur.  /”Marja”