“Əmlak Bazarı İştirakçıları” İctimai Birliyinin monitorinq qrupunun apardığı araşdırmalara əsasən, paytaxt ərazisində 2017-ci ilin yanvar ayında təkrar bazarda yeni tikili mənzillərin qiymətində artım müşahidə olunub. Belə ki, 2016-cı ilin dekabr ayına nisbətən mənzillərin qiyməti 0,50% qalxıb.

Mediatv.az-a qurumdan bildirilib ki, təkrar bazarda yeni tikili mənzillərin qiymət dəyişməsi aşağıdakı kimi olub:
“2016-cı ilin yanvar ayından carı ilin yanvar ayına kimi yeni tikili mənzillərin qiyməti qeyri-sabit tendensiya göstərir. Qiymətin qeyri-sabit olması təklif portfelindən asılıdır və qiymətin artımı (enməsi) onunla əlaqədədir.

Belə ki, 2016-cı ilin dekabr ayında təklif portfelində 1500 AZN/kv.m. yuxarı olan mənzillərin payı (əsasən Nərimanov, Nəsimi və Səbail rayonlarında yerləşən mənzillər) 23,35% təşkil etmişdisə, yanvar ayında bu, 23,86% idi.

Beləliklə, bahalı mənzillərin payı təklif portfelində 0,51% artıb. Bu da 2017-ci ilin yanvar ayında yeni tikili mənzillərin qiymətinin qalxmasının əsas səbəbidir. Beləliklə, carı ilin yanvar ayına Bakı şəhəri üzrə yeni tikililərin orta bazar qiyməti 1438 manat/kv.m. təşkil etmişdi.

Keçən ilin dekabr ayından 2017-ci ilin yanvar ayına kimi ümumi təklif portfelində 12% artım qeydə alınıb. Beləliklə, ən çox yeni tikililər Xətai (27,0%) və Yasamal rayonlarında (25,8%) təklif olunub.
2016-cı ilin dekabr ayına nisbətən Yasamal rayonunda 0,9% azalma müşahidə olunur. “Çıxarış”sız olan mənzillər, əsasən, Yasamal rayonunda yerləşir (31%), “Çıxarış”lı mənzillər isə – Xətai rayonunda (23%).

Satışa təklif olunan mənzillərin əsas payını təmirli mənzillər tutur – 72%, təmirsiz mənzillərin payı isə 28% təşkil edir. Təklif portfelində “Kredit”lə təklif olan mənzillərdə müşahidə olunur, lakin ümumi portfeldə payı cüzi miqdardadır – 1,2%”, – deyə qurumun apardığı monitorinqlər nəticəsində məlum olub.

Bakı şəhəri rayonları üzrə yeni tikililərin orta bazar qiyməti: