ABŞ Konqresi ölkənin strateji neft ehtiyatından neft satmağa icazə verəcək qanun layihəsi qəbul etməlidir. Belə bir bir bəyanat Ağ Evdən səslənib. 

Bəyanatda deyilir ki, administrasiya ABŞ-ın enerji təhlükəsizliyini bundan sonra da təmin etmək məqsədi ilə strateji neft ehtiyatlarının modernləşdirilməsi üçün investisiyaların təmin edilməsinin vacibliyini təsdiq edir. 
1970-ci illərdə OPEK-ə üzv ölkələr bəyan etdi ki, onlar Suriya və Misirlə münaqişədə İsrailə dəstək verən ölkələrə neft ixrac etməyəcək. Bu ilk növbədə ABŞ-a və onun Qərbi Avropadakı müttəfiqlərinə aid idi. Bir çox ərəb ölkələrindən ABŞ-a neft tədarükünün dayandırılması bu ölkənin iqtisadiyyatına ciddi böhran vəd edirdi.

O zaman, 1975-ci ilin dekabrın 22-də prezident Fordun göstərişi ilə ABŞ-ın enerji təhlükəsizliyinin təminatı məqsədi ilə strateji neft ehtiyatlarının yaradılması qərara alınıb. ABŞ-ın strateji neft ehtiyatı dünyanın ən böyük neft ehtiyatıdır. 

2014-cü ildə bu ehtiyatlardan bir hissəsinin bazara çıxarılması qərara alındı.
 
Bundan əvvəl ABŞ strteji neft ehtiyatlarından 2011-ci ildə, Liviya müharibəsi zamanı neft satıb.