Zaqatalada yüksək dağlıq ərazidə yanğın başlayıb.

"Mediatv.az"ın məlumatına görə, bu gün axşam saatlarından başlayaraq Böyük Qafqaz sıra dağlarının cənub ətəyində, Zaqatala rayonu Car kənd ərazisində  yüksək dağlıq ərazidə yanğın başlayıb. 

Yanğının söndürülməsi üçün əraziyə Fövqaladə Hallar Nazirliyinin (FHN) Zaqatala Rayon Dövlət Yanğından Mühafizə Hissəsinin iki yanğınsöndürən maşını, 20 nəfərə yaxın şəxsi heyəti, müvafiq qurum nümayəndələri və yerli sakinlər cəlb edilib.

İlkin məlumata görə, yanğın iki hektara yaxın ərazini əhatə edir. Ərazidə quru ot, kol-kos, xəzəl və qrumuş ağac budaqları yanır. Hazırda yanğının söndürülməsi istiqamətində iş gedir.