Məşhur amerikalı boksçu Məhəmməd Əli iyunun 3-də 74 yaşında dünyasını dəyişib.

Mediatv.az  xəbər verir ki, bu barədə NBC News məlumat yayıb.

O, Arizona ştatının Feniks şəhərinin xəstəxanalarından birində vəfat edib. 

Qeyd edək ki, iyunun 3-də Məhəmməd Əlinin ölüm ayağında olduğu bildirilirdi. Həkimlər idmançının sağalacağını proqnozlaşdırmırdılar.

Boksçu xəstəxanaya iyunun 1-də, ağ ciyərləri ilə bağlı problemlə əlaqədar yerləşdirilmişdi. O, Parkinson xəstəliyindən əziyyət çəkirdi.

Məhəmməd Əli dünyanın ən adlı-sanlı və tanınan idmançılarındandır. O,1960-cı ilin Olimpiya çempionu, ağır çəkidə mütləq dünya çempionu (1964-1966, 1974-1978), beşqat “İlin boksçusu”dur.

Karyerasında 61 döyüş keçirən Əli onlardan 56-da qalib gəlib (37 döyüşü nokautla başa vurub).