Azərbaycan Respublikasının Türkmənistandakı səfirliyindən verilmiş məlumata əsasən, bu il aprelin 18-də Xəzər dənizinin Türkmənistan sahillərində tapılmış meyitin, ilkin olaraq, “Günəşli” yatağındakı 10 saylı dərin dəniz özülündə baş vermiş qəza nəticəsində itkin düşənlərdən birinin olduğu ehtimal edilir.

Mediatv.az Azərbaycan Fövqəladə Hallar Nazirliyinin (FHN) mətbuat xidmətinin məlumata istinadən xəbər verir ki, bununla əlaqədar, FHN-in “BE-200ÇS” amfibiya tipli təyyarəsinin istintaq qrupu ilə birgə cəsədin tanınması və respublikaya gətirilməsi məqsədilə Türkmənistana göndərilməsi üçün hazırlıq işlərinə başlanılıb.