Azərbaycanın ekologiya və təbii sərvətlər naziri Muxtar Babayev qətərli iş adamları, sərmayəçilər və biznes dairələrinin Qarabağa sərmayə yatırması ilə bağlı çağırış edib.
Mediatv.az xəbər verir ki, nazir bu barədə Qətərin Milli Günü ilə əlaqədar bu ölkənin Azərbaycandakı səfirliyinin keçirdiyi qəbulda danışıb.
“Qətərli iş adamları, sərmayəçilər və biznes dairələri Qarabağa sərmayə yatırmağa dəvət olunur”, - M.Babayev qeyd edib.
Nazirin sözlərinə görə, Qətər hər zaman Azərbaycanın ərazi bütövlüyünü və suverenliyini dəstəkləyib:
“Bu, Azərbaycan tərəfindən yüksək qiymətləndirilib. Beynəlxalq təşkilatlar çərçivəsində də iki ölkə arasında faydalı əməkdaşlıq davam edir. Əminəm ki, birgə səylər sayəsində Azərbaycan-Qətər əlaqələrinin bundan sonra da yüksələn xətlə inkişafının şahidi olacaq”.шаблоны для dle 11.2